وصفة لترطيب البشرة الجافة
* البشرة الجافة ومشاكلها الكتير في فصل الشتاء بتوصل إلي التشقق ، وتفتح جروح خصوصاً بشرة الايدين .
* بس لازم نهتم دايما بشرب المية الكتير المية مهمة جداً لنضارة وترطيب البشرة ، والنوم الكويس بيفرق كتير جداً في البشرة مهما حاولتي تظبطي بشرتك وانتي مش بتنامي كويس هتلاقي الوصول لبشرة ناعمة أمر صعب .
* انهارده جبتلكم وصفة هايلة في ترطيب البشرة الجافة .
خطوات الوصفة :
أولا التنظيف : هتنضفي بشرتك كويس جداً بأي غسول مناسب للبشرة الجافة . وبعدين تجيبي فوطة وتحطيها في ماية سخنة وتعصريها كويس وتقربيها من بشرتك وتخلي البخار يفتح مسام البشرة أو ممكن تعملي حمام بخار لبشرتك علي طول مش عايزة أقلكم بجد الخطوة دي بتخلي بشرتك تتنفس وتحسي براحة فظيعة بعدها .
ثانياً التقشير : هتجيبي لبن بودر اي نوع لبن بتقدمية لأولادك نيدو مثلاً وتعجنيهم بمية ورد لغاية ما تبقي عندك عجينة طرية خالص أو ملمس كريمي كده ، حطي الخليط ده علي بشرتك افردية كويس ، وسبيه لغاية ما ينشف خالص علي بشرتك ، اول ما تحسي انه بدأ يشقق أفركية بحركات دائرية خفيفة جداً علشان متجهديش بشرتك . اغسلي بشرتك كويس بمية فاترة وبعدين تمرري مكعب تلج أو مكعب مية ورد علي بشرتك .
ثانياً التقشير : هتجيبي لبن بودر اي نوع لبن بتقدمية لأولادك نيدو مثلاً وتعجنيهم بمية ورد لغاية ما تبقي عندك عجينة طرية خالص أو ملمس كريمي كده ، حطي الخليط ده علي بشرتك افردية كويس ، وسبيه لغاية ما ينشف خالص علي بشرتك ، اول ما تحسي انه بدأ يشقق أفركية بحركات دائرية خفيفة جداً علشان متجهديش بشرتك . اغسلي بشرتك كويس بمية فاترة وبعدين تمرري مكعب تلج أو مكعب مية ورد علي بشرتك .
ثالثاً الترطيب : هتجيبي أي كريم مرطب كويس بتحبيه وتفضي جوه العلبة كبسولتين أو 3 من فيتامين e وتقلبيهم كويس ، ورطبي بقي بشرتك بالكريم ده تحفة جداً بيعالج معاكي الجفاف وبتلاقي بشرتك ناعمة جداً أنا مبقدرش أستغني عن الوصفة دي ودايماً بستخدمها .
تعليقات
إرسال تعليق